Visie
Die beste onderrig in Afrikaans aan elke kind.
Wie is ons
Laerskool Witpoort is net buite die stad geleë op die Garsfonteinweg-Oos verlenging. Ons bied jou kind die geleentheid om skool te gaan in 'n rustige omgewing, weg van die gejaagde stadslewe. Ons is 'n trots Afrikaanse, waardegedrewe skool waar dissipline ononderhandelbaar is.
Hier mag kinders nog kinders wees, kaalvoet skool toe gaan.
Missie
- Dissipline
- Toerusting vir die toekoms
- Beste onderwysers te behou en te werf.
- Meetbare prestasies
- Deelnemende bestuur en kommunikasie
- Professionele ontwikkeling van onderwysers
- Hulpbronne doeltreffend aan te wend
- Strukture en beleide
Busroetes
Ons beskik oor 'n Garsfonteinweg asook 'n Delmas busroete om leerders soggens en smiddae na aktiwiteitsperiode te vervoer. Die Garsfontein bus vertrek in die oggende vanaf die Mooikloof Spar en stop by Grootfontein, Tierpoort, Hedera Kwekery en Bashewa.
Die Delmasroete begin soggens by die Engen vulstasie in De Villebois-Mareuil rylaan (Moreletapark) en stop by Rietvlei View, Moria Pluimvee, Bapsfontein en Nestpark voordat dit die skool bereik.
Hoogtepunte
Ons is dankbaar
Kaas & Wyn Fondsinsameling - Laerskool Witpoort - 14 September 2018
Kom kuier saam op die lekker lente aand...
Ons hou ons jaarlikse wynveiling hier by Laerskool Witpoort, moet nie die geleentheid misloop nie!!
Laerskool Witpoort se Biltongfees - 19 Mei 2018
Biltongfees - 19 Mei 2018
Die kuiervure het hoog gebrand by Laerskool Witpoort. Op 19 Mei 2018 het Laerskool Witpoort hul 2 jaarlikse Biltongfees aangebied. Mense in hulle hordes het die skool kom ondersteun en na die pragtige musiek van Adam Tas geluister. Oud Witpoort leerders het ook saam kom kuier en teruggedink aan hul laerskool jare. Daar was lekker vermaak vir die jonges en die ouergarde het aan 'n bokdrol-spoeg kompetisie deelgeneem. Daar was tot laat gekuier om braaivleis vure om warm te bly.
Dankie aan Beefcor vir hulle ruim borg.
Nuwe Naskool - Witties Wagkraal
Ons is baie opgewonde om die splinternuwe naskool bekend te stel. Die naskool is op Laerskool Witpoort se skoolterrein. Fantastiese onderwysers en toesig.
Vir meer inligting skakel Joey Opperman - 082 496 3916 of Marthinette Botha - 072 231 6178
Getuigskrifte
Wat ons ouers sê
-
"Dit het my terug geneem na die jare wat ons langs die sportveld gesit het en my kieriebeentjie dogtertjie net mooi aan alles wou deelneem. Witpoort is die skool soos waar ek skoolgegaan het, almal is kaalvoet en sommer net tuis."
- Elsie Potgieter
-
"Ek het self met die bus gery my hele laerskool loopbaan, vanaf 1977 - 1983. In Bashewa gebly. Beste Laerskool in die land!!!!!!!"
- Jan Wibbelink
-
"'n Skool waar elke kind tel. Altwee van ons kinders deur die skoolbanke daar. Een nou tweede jaar en jongste matriek. Onthou net deurnis, liefde, samewerking en happiness. Lieflike ouers en die onderwysers met passie besig om gretige breinselle te voed. Die eerste boublokke vir ons kinders se toekoms. dis onvervangbaar. Dit was 'n voorreg om hul laerskooldae daar te kon geniet."
- Sinette Pretorius
-
"Ek was self n leerling hier gewees van 1973 tot 1979. Nogal graad 1 op my verjaarsdag begin in 1973 want die skole het 10 Januarie begin daardie jaar. Baie goeie ou herinneringe van daardie jare bly nogsteeds met my. Voorwaar n skooltjie om op trots te wees"
- Hendrik Moll
Aktiwiteite
Ons skooldag sluit af met 'n aktiwiteitsperiode van 13:10 tot 14:00. Hierdie periode word aan sport- en kultuurbedrywighede gewy.
Sport
Ons presteer baie goed op die sportveld! Twee van ons atlete het verlede jaar aan die SA’s deelgeneem en ons het top SA landlopers gehad. Witpoort wen in 2018 die Cluster Atletiek byeenkoms.
Die rugbyseuns wen die onder 11 Bloubulle C-bond liga vir 'n vierdekeer in 'n ry die krieket wen die 0/13 Suid-Oos Kleinskole liga.
Kultuur
Leerders kry jaarliks die geleentheid om aan Eisteddfod deel te neem en ons hou elke tweede jaar ‘n skoolkonsert, wat verseker ‘n hoogtepunt op die kultuurkalender is.
Verder kry leerders die geleentheid om aan kultuuraktiwiteite soos redenaars, akrobaat, dans, koor, drama en spelling bee deel te neem.