Ons waarnemende hoof, mev. Anita Botha is sedert 2000 'n onderwyseres by Laerskool Witpoort. Sy is in Riviersonderend gebore en het ook daar grootgeword. Sy gaan studeer aan Wellington se onderwysers kollege vanaf 1974-1976.

Mev Anita se kantoordeur staan altyd oop vir elke leerder, ouer en onderwyser. Haar liefde vir kinders kan duidelik raakgesien word in die manier waarop sy met hul werk.

Die res van Laerskool Witpoort se personeel is met die hand uitgekies. Aansoeke vir poste kom van sover as die Kaap en sorgvuldig word net die beste uitgekies en aangestel.

Vir die onderwyser is die kind belangrik. Die grootste deel van 'n kind se ontwikkeling vind plaas tydens sy laerskooljare, en onderwysers spits hul daarop toe om die kind so goed as moontlik te ontwikkel binne die skoolomgewing.