Wat maak Laerskool Witpoort uniek en spesiaal?

Laerskool Witpoort is meer as net ’n skool. Dit is ’n hartklopgemeenskap waar elke kind gesien, geken en waardeer word. Hier leer ons kinders nie net vir die eksamen nie, maar vir die lewe.
Ons unieke plaas-atmosfeer gee leerders die kans om kaalvoet te ontdek, te speel en te groei in ’n veilige, rustige omgewing waar eenvoud en egtheid steeds saak maak. By ons kry elke leerder die ruimte om hul eie tempo te vind, terwyl ons akademiese uitnemendheid met kreatiwiteit, sport, kultuur en karaktervorming balanseer.

Wat ons besonders maak:

“Elke kind het ’n naam” – ons leer elke kind persoonlik ken en vier hul unieke gawes.

’n Kleiner, gesinsgeoriënteerde skoolgemeenskap waar kinders tuis voel en ouers deel van die span is.

’n Plattelandse sjarme binne die stad: rus, ruimte en natuur wat leer bevorder.

Omvattende ontwikkeling: akademies sterk, sportief aktief, kultureel ryk.

Toegewyde personeel wat met passie onderrig en kinders se harte aanraak.

Waarde-gedrewe opvoeding wat dissipline, respek en dankbaarheid kweek.

By Laerskool Witpoort glo ons dat groot drome dikwels met kaalvoete begin en ons stap elke tree saam met ons kinders op pad na hul toekoms.

Wat ons ouers sê

Ek het self met die bus gery my hele laerskool loopbaan, vanaf 1977 - 1983. In Bashewa gebly. Beste Laerskool in die land!!!!!!!

Jan Wibbelink

Dit het my terug geneem na die jare wat ons Lang's dir.sportveld gesit het en my kieriebeentjie dogtertjie net mooi aan alles wou deelneem. Witpoord is die skool soos waar ek skoolgegaan het almal is kaalvoet en sommer net Tuis.

Elsie Potgieter

My twer kleinseuns was altwee in Witpoort en was baie gelukkig daar. Die. Jongste een is nog steeds daar en geniet dit elke dag. Ongelukkig woon ek in Australia en kan nie die sport dae bywoon nie maar gaan defnitief as ek daar is!

Sally Greeff Pakula

Ek het in 1977 by Witpoort ingeskryf en was daar tot 2012 Nie solank gesukkel om my laerskooijare te voltoooi nie maar was n juffrou daar Wonderlike skool met n baie vriendelike ouer en kind en onderwyser verhouding Die gelukkigste jare van my lewe

Marie-louise Schutte

Ons het so baie skole om ons in die stad - maar Laerskool Witpoort het net daai iets wat geen ander skool het nie. Dankbaar dat die busroete tot in Pretoria Oos strek! Ons is al 7 jaar betrokke by Laerskool Witpoort en ons is nie een dag spyt nie. Witties BO!!!!!

Lizelle Badenhorst Pheiffer

Word deel van ons storie in 2026, waar elke kind ’n naam het.

linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram