Oor Ons

By Laerskool Witpoort glo ons dat elke kind uniek is en verdien om in ’n veilige, liefdevolle en stimulerende omgewing te floreer. Met ons kenmerkende plaas-atmosfeer, vaste waardes en passievolle personeel, bied ons aan elke leerder die geleentheid om hul volle potensiaal te ontdek en te verwesenlik: akademies, sportief en kultureel.

Ons Visie (DROOM)

Elke kind word in ’n veilige, waarde-gedrewe omgewing gekoester en toegerus met die vaardighede en kennis wat nodig is om met selfvertroue die toekoms te betree.

Ons Missie

’n Rustige en veilige plaas-atmosfeer waar kaalvoetkinders met trots hul identiteit ontdek en hul volle potensiaal ontwikkel deur kwaliteit akademiese onderrig, kultuur en sportgeleenthede.

ONS DOEN DIT DEUR

Die beste opvoeders te werf en te behou

Innoverende akademiese onderrig aan te bied

Leerders aan te moedig om selfdenkend en afgerond te wees

Deelnemende en deursigtige bestuur toe te pas

Hulpbronne doeltreffend te genereer en aan te wend

Funksionele strukture en beleide te ontwikkel en te gebruik

Skoollied

In die verre verlede
Het Witpoortskool ontstaan
En tot in die hede
Van krag tot krag gegaan

Soos ons voorgangers het gestrewe
Hul voor te berei vir die lewe
Bou ons aan toekomsdrome
Tussen die groen wattelbome

Getrou aan ons nasie
Wil ons lê ’n hegte fondasie
En deur harde werk
Ons vir die toekoms sterk

Aan ons leuse getrou
In ons goud, wit en blou
Sal ons altyd voortbou
Ons Mik Hoog!

Ons Gemeenskap

Laerskool Witpoort is meer as net ’n skool. Dit is ’n familie waar elke voetspoor tel.
Ons bou saam met ouers, personeel en leerders aan ’n toekoms waar tradisie en vooruitgang hand aan hand loop.

Skoolinligting