Kort opsomming van die Sportmerietebeleid 2026
Laerskool Witpoort se sportmerietebeleid het ten doel om soveel moontlik leerders aan verskillende sportsoorte bloot te stel en uitstekende sportprestasies te erken. Sportmeriete word toegeken vir prestasies wat in skoolverband behaal word.
Belangrike beginsels
- Leerders moet gewoonlik 80% van oefeninge, wedstryde of byeenkomste bywoon om vir toekennings te kwalifiseer.
- Faktore soos toewyding, dissipline, stiptelikheid, gesindheid en ambassadeurskap word saam met prestasie in ag geneem.
- Toekennings word in atletiek, hokkie, krieket, landloop, netbal, rugby, fietsry en perdry gemaak.
Toekennings
- Deelnamesertifikate word aan kwalifiserende deelnemers toegeken.
- Spesiale toekennings soos beste speler, atleet of ruiter word per sportsoort toegeken.
- Ligawenners, rekordbrekers en provinsiale of nasionale deelnemers ontvang verdere erkenning.
- Erekleure word toegeken aan leerders wat op provinsiale of nasionale vlak presteer.
Eksterne sport
- Leerders ontvang erkenning vir eksterne sportprestasies tydens saalopeninge.
- Eksterne sportprestasies tel egter nie vir skool-sporttoekennings of Sportseun/Sportdogter-punte nie.
Sportseun & Sportdogter
- Leerders moet aan minstens drie skoolsportsoorte deelneem.
- Hulle moet in ten minste twee sportsoorte spesiale toekennings ontvang het.
- ’n Puntestelsel word gebruik wat deelname, spanprestasies, kleure, provinsiale en nasionale deelname beloon.
